आज धुळवड संपणार ना राव. गेला म्हैनाभर आंघोळीला पन वेळ भेटत नव्हता. आमची मिशेस म्हनाली पन आहो दाढी तर करा. मी म्हणलं इथं वेळ कुणाला आहे. तुला माझ्या दाढीबद्दल तक्रार करायला द्यायला पन वेळ नाही आपल्याला. आपल्या पार्टीला आपली गरज हे. दादांनी या येळेला डायरेक्ट सांगितलं होतं, लैच कुणी बोंबलाय लागलं तर उचला. या वेळेला आपली नेमणूक झाली ना राव या म्हत्वाच्या पोष्टवर. म्हणलं दादांच्या नदरेसमोर आसणार आपण. फुडं कुटं समितीबिमितीवर टाकायच्या वेळंला आपण नदरेत असलेलं बरं. ते नेमणुका अशाच करतात, जो कुणी फुडं दिसंल त्याची लॉटरी. आपल्याला पन ही शिपायची नोकरी अशीच भेटली. पाच वर्षाखाली दादांच्या प्रचाराला ट्रकमधून पुन्यात आलो. आपलं लकपन आसं, ष्टेजजवळच उभा होतो. दादा आल्यावर एवढ्या खच्चून घोष्णा दिल्या, शेवटी दादांनी विचारलं मी कोन म्हणून. फुडं मग पार्टीनं आपल्याला हुतात्मा भगतसिंग टेक्निकल इन्स्टिट्यूट आणि सखदेव सहकारी पतसंस्था मर्यादित, इथं शिपायाची नोकरी भेटवली. दोनीचं ऑफिस एकाच बिल्डींग मदे. दोन रूममदे क्लास, एका रूममदे कॉलेज आनी पतसंस्थेचं ऑफिस. संस्था मर्यादित आसली तरी चान्स अमर्याद. तसं दादांचं नाव डायरेक्टर बोर्डावर सोडा बिल्डींगभायेरच्या बोर्डावर पन नाही, पन दादा आले की ते खुर्चीवर आनि चेरमन उभे. मग म्हणलं आपनच एकटेच नाय काय अशे इथे लागलेलो. चेरमनला एकदा बोललो पन, सायेब तुमाला कोणत्या इलेक्शनमदी भेटली पोष्ट? धा ते पाच ड्यूटी नुसती नावाला. आपन कायमच ड्युटीवर आसतो. मोष्टली चेरमनसायबांबरोबर मुंबईला आमदार भवनात. सकाळी जायचं संध्याकाळी परत. चेरमन दादांच्या रूममदे, आपण कॅन्टीनमदे. आपन नुसते थांबायचं, चेरमनसायबांनी काय काम सांगितलं तर करायचं. जेवन बाकी लय भारी बर का आमदार भवनात. १५ रुपयात थाळी, फीष्टसकट. थाळीच्या भावानं पाह्यलं तर आमदार भवन दारिद्रय रेषेखाली आहे. बाहेर एका दिवसाला ३५ रुपये लागतात असं सरकारनंच डिक्लेर केलं आहे. खरं तर त्या सर्वांनी आमदार भवनात रोज येऊन ज्येवायला पाह्यजे. आपन दादांच्या कृपेनं मुंबईत आलो की हिथंच ज्येवतो.
ग्येला म्हैना लै बीजी ग्येला आपला. कॉलेजच्या डूटीसाठी टाईमच भेटला नाय. पार हिकडं बारामतीपासून कणकवलीपर्येंत नुसता खकाणा. आपल्याला प्रोमोशन भेटलं या इलेक्शनला. आपण आता घोष्णा देणारे नाय ऱ्हायलो. दादा बोलले लै म्हत्वाची डूटी हाय तुला. चेरमन बोलतील तुला. चेरमन बोलले सकाळी ये घरी. मी बोललो सकाळी कॉलेज उघडून देतो पोरान्ला आन तसाच येतो. मला म्हनले, ते सोड, ही प्राध्यापकं कशाला ठेवली मग आपन? चावी दे त्या शिव्हीलच्या कुलकर्णी कडे, तो उघडेल. त्याचंच लेक्चर आसतं सकाळच्याला. नाही तरी तो पोरान्ला डम्पी लेवल देऊन फिल्डमदे सोडतो आन स्वत:च्या बाहेरच्या क्लासची लेवल करत बसतो. मी तेंच्या घरी गेलो तर बोलले, बबन, या इलेक्शनला "बार" आन "कॅश" रजिस्टर तुज्याकडे. कोनाला बार आन कोनाला कॅश ते दादा बोलतील. पन या वेळेला ताई उभ्या आहेत इलेक्शनला. तेव्हा सगळीकडून टाईट फिल्डिंग लावा. पयले बार उडवा, त्याने काम नाय झालं तर कॅश सोडा, तरीपन काम नाय झालं तर मग उचला. पन आपन लोकशाहीवाले आहोत हे लक्शात ठेवा. लोकान्ला चॉइस द्या - बार घेयाचा, कॅश घेयाची का डायरेक्ट वरती बदली करून घेयाची. आपन चॉइस द्याचा, त्यांना ठरवू द्याचं. आपला आणभव असा की तिसऱ्या चॉइसपर्येंत सहसा कोनी जात नाय. पन दर इलेक्शनमदी एकतरी दीडशाना निघतोच.
पन या येळेला लैच धुळवड झाली. दादा लै भडाकले हायेत. जितं जातील थितं लय शाने लोक भेटले. आनि ते पन आमच्याच मतदारसंघात भेटावेत? आता ताई निवडून येनार ही काळ्या दगडावरची रेघ. ताईंना नसंन खात्री, पन आपल्याला आहे. पन लोक मुकाट्यानं खातील पितील, तरंगत मत द्याला जातील तर कसली! लैच बाराची. दादा स्वत: प्रचाराला आले, स्वत: मत मागताहेत याचा काही मान ठेवावा की नाही? उलटं त्यांनाच प्रश्न विचारू लागले, अमुक आश्वासन दिलं होतं आणि तमुक देतो म्हणाले होते. दादा म्हणले मायला आम्ही आमच्या घरीबी आसलं लै काय काय सांगत आसतो, आश्वासनं देत आसतो. आजसुद्धा सांजच्याला लवकर घरी येतो आसं सांगून बाहेर पडलोय. आता आजवर बाराच्या आत कदीतरी आमी घरी पोचलोय का? आमचं कुटुंब सकाळी विचारत न्हाई कुटं तोंड वर करून फिरत होता म्हणून. उलटं म्हणत्यात जावा कुटं पण, हितं बसून आमच्या डोक्याला ताप देऊ नका. तर हे भाद्दर ऐकच ना, तसाच प्रश्न विचारू लागला. मग म्हणलं चला, राबवा लोकशाही आता. उचलला त्याला. आता जरा विचारपूस करू, गडी निवाला तर पनवेलच्या बारला न्हेऊन आणू. न्हाय तर पनवेलला खाडीपन हायेच. माहीमपर्येंत जायला नको. शिवाय इलेक्शनच्या टायमाला माहीमच्या खाडीला लय गर्दी असते. इलेक्शनच्या आदी कॉंग्रेसवाल्यांची आनी इलेक्शननंतर शिवसेनावाल्यांची. सद्या आपली युती हाय म्हणा कॉंग्रेसवाल्यांशी. पन नकोच, फुडच्या इलेक्शनला युती नसली तर ते ह्या आमच्या भानगडीचा वापर करून घेणार आणि मग दादा आमच्यावर भडाकणार.
ग्येला म्हैना लै बीजी ग्येला आपला. कॉलेजच्या डूटीसाठी टाईमच भेटला नाय. पार हिकडं बारामतीपासून कणकवलीपर्येंत नुसता खकाणा. आपल्याला प्रोमोशन भेटलं या इलेक्शनला. आपण आता घोष्णा देणारे नाय ऱ्हायलो. दादा बोलले लै म्हत्वाची डूटी हाय तुला. चेरमन बोलतील तुला. चेरमन बोलले सकाळी ये घरी. मी बोललो सकाळी कॉलेज उघडून देतो पोरान्ला आन तसाच येतो. मला म्हनले, ते सोड, ही प्राध्यापकं कशाला ठेवली मग आपन? चावी दे त्या शिव्हीलच्या कुलकर्णी कडे, तो उघडेल. त्याचंच लेक्चर आसतं सकाळच्याला. नाही तरी तो पोरान्ला डम्पी लेवल देऊन फिल्डमदे सोडतो आन स्वत:च्या बाहेरच्या क्लासची लेवल करत बसतो. मी तेंच्या घरी गेलो तर बोलले, बबन, या इलेक्शनला "बार" आन "कॅश" रजिस्टर तुज्याकडे. कोनाला बार आन कोनाला कॅश ते दादा बोलतील. पन या वेळेला ताई उभ्या आहेत इलेक्शनला. तेव्हा सगळीकडून टाईट फिल्डिंग लावा. पयले बार उडवा, त्याने काम नाय झालं तर कॅश सोडा, तरीपन काम नाय झालं तर मग उचला. पन आपन लोकशाहीवाले आहोत हे लक्शात ठेवा. लोकान्ला चॉइस द्या - बार घेयाचा, कॅश घेयाची का डायरेक्ट वरती बदली करून घेयाची. आपन चॉइस द्याचा, त्यांना ठरवू द्याचं. आपला आणभव असा की तिसऱ्या चॉइसपर्येंत सहसा कोनी जात नाय. पन दर इलेक्शनमदी एकतरी दीडशाना निघतोच.
पन या येळेला लैच धुळवड झाली. दादा लै भडाकले हायेत. जितं जातील थितं लय शाने लोक भेटले. आनि ते पन आमच्याच मतदारसंघात भेटावेत? आता ताई निवडून येनार ही काळ्या दगडावरची रेघ. ताईंना नसंन खात्री, पन आपल्याला आहे. पन लोक मुकाट्यानं खातील पितील, तरंगत मत द्याला जातील तर कसली! लैच बाराची. दादा स्वत: प्रचाराला आले, स्वत: मत मागताहेत याचा काही मान ठेवावा की नाही? उलटं त्यांनाच प्रश्न विचारू लागले, अमुक आश्वासन दिलं होतं आणि तमुक देतो म्हणाले होते. दादा म्हणले मायला आम्ही आमच्या घरीबी आसलं लै काय काय सांगत आसतो, आश्वासनं देत आसतो. आजसुद्धा सांजच्याला लवकर घरी येतो आसं सांगून बाहेर पडलोय. आता आजवर बाराच्या आत कदीतरी आमी घरी पोचलोय का? आमचं कुटुंब सकाळी विचारत न्हाई कुटं तोंड वर करून फिरत होता म्हणून. उलटं म्हणत्यात जावा कुटं पण, हितं बसून आमच्या डोक्याला ताप देऊ नका. तर हे भाद्दर ऐकच ना, तसाच प्रश्न विचारू लागला. मग म्हणलं चला, राबवा लोकशाही आता. उचलला त्याला. आता जरा विचारपूस करू, गडी निवाला तर पनवेलच्या बारला न्हेऊन आणू. न्हाय तर पनवेलला खाडीपन हायेच. माहीमपर्येंत जायला नको. शिवाय इलेक्शनच्या टायमाला माहीमच्या खाडीला लय गर्दी असते. इलेक्शनच्या आदी कॉंग्रेसवाल्यांची आनी इलेक्शननंतर शिवसेनावाल्यांची. सद्या आपली युती हाय म्हणा कॉंग्रेसवाल्यांशी. पन नकोच, फुडच्या इलेक्शनला युती नसली तर ते ह्या आमच्या भानगडीचा वापर करून घेणार आणि मग दादा आमच्यावर भडाकणार.
No comments:
Post a Comment